Ауа райы: Еліміздің басым бөлігінде жел күшейіп, жаңбыр жаууы мүмкін

Синоптиктер 19 маусымға арналған ауа райы болжамын ұсынды. Бұл туралы NUR.KZ порталы “Қазгидрометке” сілтеме жасап хабарлайды.

Еліміздің басым бөлігінде тұрақсыз ауа райы сақталады, тек батыста және оңтүстік-батыста жауын-шашынсыз ауа райы күтіледі. Кей жерлерде найзағай мен жаңбыр жауып, жел күшейіп, дауыл соғады, бұршақ болуы мүмкін.

Павлодар облысында жел 15-20, екпіні 23-28 м/с күшейеді, кей жерлерінде дауыл болып, бұршақ жаууы мүмкін.

Шығыс Қазақстан облысының кей жерлерінде түнде жел 15-20 м/с, күндіз 15-20, кей жерлерінде екпіні 23-28 м/с жетеді, кей жерлерінде дауыл болып, бұршақ жаууы мүмкін.

Солтүстік Қазақстан облысының кей жерлерінде дауыл соғып, бұршақ болуы мүмкін, жел 15-20 м/с күшейеді, түнде және таңертең кей жерлерінде тұман күтіледі.

Қостанай облысының кей жерлерінде бұршақ жаууы мүмкін, жел 15-20 м/с жетеді. Алматы, Ақмола облыстарының кей жерлерінде жел 15-20 м/с күшейеді, күндіз Ақмола облысының кей жерлерінде бұршақ жаууы мүмкін.

Күндіз Жамбыл облысының кей жерлерінде дауыл болып, бұршақ жаууы мүмкін, желдің күшеюі 15-20 м/с күтіледі. КүндізОңтүстік Қазақстан, Қызылорда облыстарының кей жерлерінде жел шаңды дауылмен 15-20 м/с күшейеді. ТүндеҚарағанды облысының кей жерлерінде жел 15-20 м/с жетеді.

Маңғыстау облысының басым бөлігінде, Қызылорда, Атырау, Ақтобе, Оңтүстік Қазақстан, Жамбылоблыстарының кей жерлерінде өте жоғары өрт қаупі сақталады.