Гүлбану Әбенова есімді желі қолданушысы Facebookпарақшасында жазба жариялап, Астанадағы мектептердің бірінің асханасындағы сұмдық жайттарды көрсетті. Ата-аналармен бірге мектеп асханасына арнайы барған ол ондағы өз көзімен көрген жағдай туралы айтты.
Фото: Гүлбану Әбенованың Facebook парақшасы
“Бүгін қалалық ата-аналар комитетімен бірге екі мектептің асханасында болдым. Суретте астанадағы оныншы мектептің асханасы. Көріп отырсыздар, оқушылар үстелдегі тамақты мүлдем жемеген. Бұл бір ауысымда желінген тамақ. Екінші ауысымның балалары да тамақты жемеді. Дәмді емес дейді. Компот ішіп, қарақұмықтан шұқылып жеді. Кейбірі тефтелиден ауыз тиді. Салаттан бір-бір шұқыды да қойды. Олардың артынан да желінбеген тамақтарды жинап алып, төкті. Бір бөшке желінбеген тамақ қалды”, – деген ол мемлекет қаржысына сатып алынған тағамның неліктен дәмсіз жасалатынына таңғалды.
Фото: Гүлбану Әбенованың Facebook парақшасы
Қарақұмық пен етке мемлекеттің қанша ақшасы кетті екен?! Нұсқаулық бойынша желінбеген тамақтың барлығын тастау керек. Тіпті, жануарларға да беруге болмайды. Мен тамақтан ауыз тидім. Қарақұмақ дұрыс піспеген, тұзы жоқ. Орамжапырақ пен сәбізден жасалған салат та жеуге келмейді. Ал компот болса, қоңыр сұйықтыққа ұқсайды.
Фото: Гүлбану Әбенованың Facebook парақшасы
Тек нан ғана жеуге жарамды болып шықты. Балалар нанды ғана жеп, тағы нан беруді сұрады. 2-3 сынып оқушылары”, – деп наразы болды ол.
Фото: Гүлбану Әбенованың Facebook парақшасы
Сонымен бірге, ол жұмыс істемейтін тоңазытқышта майонез пен кетчуп тұрғанын да алға тартты. Айтуынша, осылайша мектеп аспазы балаларға у беріп жатыр.
Фото: Гүлбану Әбенованың Facebook парақшасы
Бұдан бөлек желі қолданушысының айтуынша, балаларға сулық та берілмейді. Мектеп әжетханасында тіпті сабын да жоқ екенін тілге тиек еткен.
Фото: Гүлбану Әбенованың Facebook парақшасы
Оның Facebook желісіндегі бұл жазбасын оқыған желі қолданушылары түрлі пікірлерін жаудырып, бұл жайтқа қатысты наразылықтарын білдірді.
Фото: Гүлбану Әбенованың Facebook парақшасы
Фото: Гүлбану Әбенованың Facebook парақшасы
Астанадағы мектеп асханасындағы сұмдық жайттардың суреті тарап кетті (фото)
Фото: Гүлбану Әбенованың Facebook парақшасы