Атышулы Ақбота мен Дәурен қайтадан қосылды (фото)

Махаббат хикаяларымен елді шулатудан шаршамайтын еліміздегі атышулы жұп қайта қосылды. Дәурен Айдарқұлов Instagram парақшасында екінші жарымен түскен суреттерін жариялап, қарындасын сүйіктісімен бірге құттықтағанын айтты деп хабарлайды NUR.KZ.

“Біздің энергияға толы қарындасымыз Даянаны сүйікті және ақылды жанмен бірге туған күнімен құттықтадық”,-деп жазды ол.

Екеуінің бірге жүрген суретін көрген желі қолданушылары олар үшін қуанышты екендерін жеткізсе, енді біреулері оларды қатаң сынға алды.

“Қайтадан қосылып алғансыңдар ма? Екеуіңнің де ұяттарың жоқ екен!”, “Қосылып ажырасудан сендер-ақ шаршамадыңдар ғой, сөзім жоқ!”, “Масқара! Бұл адамдарға не болған өзі? Кезекті жарнама шығар”, “Бақытты болыңыздар!”, “Сіздер үшін қуаныштымыз!”,-деді желідегілер.

Еске салсақ, Ақбота Сейітмағамбет өткен жылдың күз айында Дәуренмен ажырасқандарын мәлімдеген еді. Әнші жарының өзін хиджап киіп, үйде отыруға үгіттегенін айтқан еді.