АҚШ шіркеулерінің бірінде 20 жастағы жігіт отызға жуық адамды қырып салды

АҚШ-тың Техас штатындағы Сазерленд-Спрингс қаласында 20 адам оққа ұшып, 24-і жараланды. Оқиға баптистер шіркеуінде болған деп хабарлайды 24.kz.

Қаскөйдің өзі сол маңда көліктен өлі күйінде табылды. Оны жергілікті тұрғындардың бірі атқан болуы мүмкін. Оның кім екені және бұл қадамға не үшін барғаны әзірге анықталған жоқ.

Белгілісі – ақ нәсілді, 25 жас шамасындағы ер адам. Куәгерлердің айтуынша, қаскөй мылтығын қайта-қайта оқтап, шіркеуге келгендерге бірнеше мәрте оқ атқан.

Бұл оқиға туралы Азия елдерінде сапарда жүрген АҚШ президенті Дональд Трамп Twitter-дегі парақшасында: «Техастағы Сазерленд-Спрингстегі адамдарға құдай жар болсын», – деп жазды.

Шіркеу маңы қазір қоршауға алынған.