Домой Новости Головкин мен Альварестің бетпе-бет кездесуі жайлы деректер шықты

Головкин мен Альварестің бетпе-бет кездесуі жайлы деректер шықты

Геннадий Головкиннің промоутері Том Леффлер қазақстандық боксшының мексикалық Сауль «Канело» Альвареспен түсірілім алаңындағы кездесуіне қатысты пікір білдірді, — деп хабарлайды Tengrinews.kz

TMZ Sports Головкин мен Альварестің жекпе-жек алдында промороликке түсіп жатқан видеосын жариялаған еді, — деп хабарлайды tengrinews.kzПортал мәліметінше, видео шілденің ортасында түсірілген, бірақ 15 қыркүйекке белгіленген екінші жекпе-жекке дейін қос боксшы кездеспейміз деп уәделескен еді.

«Кездесу қатты шиеленісте өтті. Боксшылар бір бөлмеде болып, бір-біріне жасанды соққылар жұмсауы тиіс болған еді.Олар шынайы «қастастықты» көрсетуі керек болды. Сондай-ақ олар трэштокинг те жасаған», — деп жазады басылым. Осы видеодан соң көрермендер Головкиннің артық салмақ қосып алғанына алаңдаулы.

Леффлердің айтуынша, бұл видео мамырда өтуі тиіс болған жекпе-жекке түсірілген екен. Алайда мексикалық боксшы допингпен ұсталып, жекпе-жек кейінге қалған еді.

«Бізге жаңа видеолар жариялау қажет. Меніңше. бұл «Канелоның» және Golden Boy тарапынан шыққан болуы керек. Шын мәнінде бұл ескі видео… Головкин Big Bear лагеріне келмей тұрып болған. Мамырға белгіленген жекпе-жек алдында түсірілген еді. Көше төбелесі стилінде түсірілген, меніңше бұл видео 15 қыркүйекке арналған, себебі қос боксшы да бірін-бірі шынымен де жақтырмайды. Қазір біз осындай видео түсіреміз деп айта алмаймын, себебі Головкин Синко де Майо мерекесінің қарсаңында өтуі керек болған жекпе-жекте Альварес өзі қателік жіберді. Керісінше «Канело» GGG мен Абель Санчестің айтқан сөздеріне ашуланды. Қолымызда үлкен жекпе-жек, бұл енді нағыз шайқас болатыны сөзсіз», — деді Леффлер K.O. Artist Sports басылымына берген сұхбатында.

"Канело" Альварес пен Геннадий Головкин. © TMZ.com

Олардың екінші кездесуі 15 қыркүйекте АҚШ-тың Невада штатындағы Лас-Вегас қаласындағы T-Mobile аренасында өтеді. Бір жыл бұрын дәл осы жерде қос боксшы кім мықтыны анықтай алмаған еді.

comments powered by HyperComments