Домой Новости Үлкен Алматы өзеніндегі су қызыл түске боялды: Сараптама нәтижесі шықты

Үлкен Алматы өзеніндегі су қызыл түске боялды: Сараптама нәтижесі шықты

Видеодан алынған кадр

Алматы қалалық Қоғамдық денсаулық сақтау департаментінің мамандары Үлкен Алматы өзенінде қызыл түске боялған су бойынша жүргізілген тексерістің нәтижесін айтты, — деп хабарлайды Tengrinews.kz тілшісі.  Еске сала кетейік, мұның алдында қызыл түске боялған суға сараптама жасалатыны хабарланған болатын. «(…) Талдау жүргізу үшін судың сынамасын алдық. (…) Өзен маңындағы барлық нысандарды қарап шықтық: типографиялар, техникалық қызмет көрсету орталығы, лак-бояу материалдарын сататын компаниялар, — деп хабарлаған еді қалалық Қоғамдық денсаулық сақтау департаментінің басшысы Айзат Молдағасымова. «Судың құрамында уландырғыш және химиялық элементтердің бар-жоғына қатысты сараптама жүргізілді. Судың құрамынан бұл заттар табылмады», — деді Айзат Молдағасымова. Осыған дейін Алматы қалалық Экология департаменті басшысының орынбасары Данияр Құрманбеков біреу өзенге бояу лақтырған болуы мүмкін деп болжаған еді.
<iframe width=»515″ height=»320″ src=»https://www.youtube.com/embed/utJ2UPtbVHQ» frameborder=»0″ allow=»autoplay; encrypted-media» allowfullscreen></iframe>

comments powered by HyperComments