Домой Новости Түркістанда қылмыс әлемінің серкесі оқушыларды сабақ үстінде ұрлап әкетіп, әжетхана қаздырды

Түркістанда қылмыс әлемінің серкесі оқушыларды сабақ үстінде ұрлап әкетіп, әжетхана қаздырды

Түркістанда қылмыс әлемінің серкесі мектеп оқушыларын сабақ үстінде ұрлап əкетіп, әжетхана қаздырған. Бұл туралы Facebook қолданушысы әрі заңгер Айгүл Орынбек мәлімдеді деп хабарлайды NUR.KZ порталы.

Түркістанда қылмыс әлемінің серкесі оқушыларды сабақ үстінде ұрлап әкетіп, әжетхана қаздырдыКҮРЕК. КӨРНЕКІ ФОТО: MYSLO.RU

«Криминалдық авторитет мектеп оқушыларын сабақ үстінде ұрлап əкетіп туалет қаздырған. Қылмыстық іс Түркістан қаласы прокуратурасының арласуымен ашылып отыр. Оқиға балалардың айтуы бойынша былай болған. Балалар төртінші сабақтан шыққан соң мектеп ауласында өзінен жоғары сыныпта оқитын бала мектептің артқы жағына шақырады.

Оларды үлкен қара джип күтіп тұрған. Балаларды қорқытып машинаға салып, үйінің септигін барып қаздырған. Қазіргі таңда қылмыстық іс тергеу амалдары жүріп жатыр. Тергеу амалдары біткенше толық ештеңе ашып жаза алмаймын. Ата-аналарды сақтандыру үшін құлаққағыс ретінде ескерту. Балаларыңызға абай болыңыздар.

Бір мезгіл сырласып, ой бөлісіп құлыным «мен сені жақсы көремін деген сөзді жиі айтуды ұмытпаңыздар! Ал Түркістан қаласының прокуратура қызметкерлеріне респект! Қылмысты алдын алу деп осыны айтады. Бүгін оларға әжетхана қаздырса, ертең адам өлтіруге, ұрлық жасауға итермелеуі əбден мүмкін», — деп жазады Айгүл Орынбек желі парақшасында (автордың жазу стилистикасы сақталған).

comments powered by HyperComments